தமிழ்நாடு அரசே! தஞ்சையில் திருவள்ளுவர் சிலையை அவமதித்த கும்பலை உடனே கைது செய்!

சமீபத்தில் பாரதிய ஜனதா கட்சியின் இணையதள பிரிவினர் மதச்சார்பற்ற தமிழரின் அடையாளமான திருவள்ளுவருக்கு காவி உடையும், பட்டையும் அணிவித்து எடிட் செய்து ஒரு படத்தை வெளியிட்டு அவமதித்ததற்கு தமிழர்கள் கடும் எதிர்ப்பை தெரிவித்திருந்தனர்.
இது நடைபெற்ற அடுத்த தினங்களிலேயே தஞ்சையில் திருவள்ளுவர் சிலை அவமதிக்கப்பட்டிருப்பது மீண்டும் அதிர்ச்சியை ஏற்படுத்தியிருக்கிறது.

தமிழ்நாட்டில் வன்முறையை உருவாக்கும் நோக்குடன் அம்பேத்கர் சிலையை அவமதிப்பது, பெரியார் சிலையை அவமதிப்பது, தற்போது திருவள்ளுவர் சிலை என்று சிலை அவமதிப்பினை ஒரு கலாச்சாரமாக சில சமூக விரோத சக்திகள் செய்து வருகின்றன.

அந்த கும்பல் யாராக இருந்தாலும் உடனடியாக கண்டறியப்பட்டு தண்டனைக்கு உள்ளாக்கப்பட வேண்டும் என்று மே பதினேழு இயக்கம் வலியுறுத்துகிறது.

– மே பதினேழு இயக்கம்
9884072010