ஜல்லிக்கட்டு விளையாட்டை தடைசெய்ய முயற்சிக்கும் பாஜக சதியினை முறியடிக்க, ‘ஜல்லிக்கட்டு உரிமைப் பாதுகாப்பு மாநாடு’ மே பதினேழு இயக்கம் சார்பாக ஜனவரி 7, 2023 சனிக்கிழமை மாலையில் தாம்பரம் மார்க்கெட் அருகில் நடைபெற்றது.பறையிசை முழங்க, மே பதினேழு இயக்கத் தோழர்கள் தமிழ்த்தாய் வாழ்த்து பாடி நிகழ்வை துவங்கினர்.தோழர் கொண்டல் வரவேற்புரை நிகழ்த்தி நிகழ்வினை தொகுத்து வழங்கினார். தோழர் பரந்தாமன் துவக்க உரை நிகழ்த்தினார்.நிகழ்வில் மாநாட்டுத் தீர்மானங்கள் நிறைவேற்றப்பட்டது.

தமிழர் விடுதலைக் கழகத்தின் தலைவர் தோழர் சுந்தரமூர்த்தி, தமிழக வாழ்வுரிமைக் கட்சியின் சென்னை மாவட்ட செயலாளர் தாம்பரம் முருகன், மனிதநேய மக்கள் கட்சியின் தலைவர் திரு எம்.எச்.ஜவஹருல்லா, அண்ணா திராவிட மக்கள் முன்னேற்ற கழகத்தின் பொதுச்செயலாளர் திரு பசும்பொன் பாண்டியன்.மனிதநேய ஜனநாயகக் கட்சியின் பொருளாளர் திரு ஹாருண் ரஷீத், இந்திய தவ்ஹீத் ஜமாத் கட்சியின் மாநிலத் துணைத் தலைவர் திரு முகமது முனீர், எஸ்டிபிஐ கட்சியின் திரு ஏ.கே.கரீம், விசிகவின் மாவட்டத் தலைவர் திரு தேவ அருள் பிரகாசம், மதிமுகவின் வழக்கறிஞர் திரு ஆவடி அந்தரிதாஸ், விடுதலைத் தமிழ்ப்புலிகள் கட்சியின் தலைவர் திரு குடந்தை அரசன்,தமிழக மக்கள் ஜனநாயக கட்சியின் தலைவர் திரு கே.எம்.சரீப், மக்கள் கண்காணிப்பக்கத்தின் தோழர் திரு ஹென்றி திபேன் ஆகியோர் உரையாற்றினர். இறுதியாக மே பதினேழு இயக்கத்தின் ஒருங்கிணைப்பாளர் தோழர் திருமுருகன் காந்தி அவர்கள் சிறப்புரையாற்றினார்.

மே பதினேழு இயக்கம்
9884864010

ஜல்லிக்கட்டு உரிமை பாதுகாப்பு மாநாடு!

இன்று (07/01/23 சனி) மாலை 4 மணிக்கு, தாம்பரம் சண்முகம் சாலை பாரதி திடலில்

ஜல்லிக்கட்டை தடை செய்ய முயற்சிக்கும் பாஜக சதியினை முறியடிக்க ஒன்றுதிரள்வோம்!

மே பதினேழு இயக்கம்
9884864010

ஜல்லிக்கட்டுக்கு தடை கோரும் ஒன்றிய பாஜக அரசு! பீட்டா மற்றும் மோடி அரசின் சதியினை முறியடிப்போம்! – மே பதினேழு இயக்கம்

தமிழர்களின் பண்பாட்டு நிகழ்வான ஜல்லிக்கட்டுக்கு தடை விதிக்க மோடியின் தலைமையிலான ஒன்றிய பாஜக அரசு கடந்த காலங்களில் முயற்சித்தது. மெரினா புரட்சியின் மூலம் மோடி அரசுக்கு எதிராக தமிழர்கள் ஒன்றுதிரண்டு போராடி ஜல்லிக்கட்டு உரிமையை வென்றெடுத்தனர். தற்போது நீதிமன்றம் மூலம் மீண்டும் ஜல்லிக்கட்டுக்கு தடை விதிக்க ஒன்றிய பாஜக அரசின் விலங்குகள் நல வாரியம், பீட்டா அமைப்புடன் இணைந்து முயற்சித்து வருகிறது. மோடி அரசின் இந்த தொடர் தமிழர் விரோத போக்கை மே பதினேழு இயக்கம் வன்மையாக கண்டிக்கிறது.

காளையை காட்சிப்படுத்தப்பட்ட விலங்குகளில் பட்டியலில் இணைக்கப்பட்டதை காரணம் காட்டி முன்பு ஜல்லிக்கட்டுக்கு தடை விதிக்க ஒன்றிய அரசு முயற்சித்தது. பின்னர் விதிமுறைக்குட்பட்டு ஒழுங்கமைக்கப்பட்ட ஜல்லிக்கட்டு போட்டிகள் நடத்தப்பட்டவுடன், காளைகள் துன்புறுத்தப்படுவதாக கூறி தடை செய்யப்பட்ட விலங்குகள் பட்டியலில் இணைத்தது. இதனை சுட்டிக்காட்டி ஒன்றிய அரசின் விலங்குகள் நல வாரியம் மற்றும் பீட்டா இணைந்து உச்சநீதிமன்றத்தின் மூலம் 2014-ம் ஆண்டு ஜல்லிக்கட்டுக்கு தடை வாங்கியது.

அதன் பின் இரண்டு ஆண்டுகள் சட்டரீதியாக போராடி ஜல்லிக்கட்டு நடத்த முயற்சித்தும், மோடி தலைமையிலான ஒன்றிய அரசு முட்டுக்கட்டை இட்டுவந்தது. இந்நிலையில், இது தமிழர்களின் பண்பாட்டை அழிக்கும் முயற்சி என்பதை புரிந்த தமிழர்கள் வெகுண்டெழுந்தனர். 2017-ம் ஆண்டு சென்னை மெரினா கடற்கரையில் லட்சக்கணக்கான தமிழர்கள் ஒன்றுதிரண்டு போராடினர். தமிழர்களின் எழுச்சி தமிழ்நாடு முழுவதும் பரவியது. மெரினா புரட்சியின் காரணமாக, ஜல்லிக்கட்டு நடத்த வழிவகை செய்யும் தமிழ்நாடு அரசின் அவசர சட்டத்திற்கு ஒன்றிய அரசு ஒப்புதல் வழங்கியது. தமிழர்கள் வென்றனர்.

அதேவேளை, தமிழ்நாடு அரசின் அவசர சட்டத்தை எதிர்த்து பீட்டா மற்றும் ஒன்றிய அரசின் விலங்குகள் நல வாரியம் உச்சநீதிமன்றத்தில் வழக்கு நடத்தி வருகிறது. அந்த வழக்கில் ஜல்லிக்கட்டு நடத்த தடை விதிக்க அனைத்து முயற்சிகளும் மேற்கொள்ளப்பட்டு தற்போது அது உச்ச நிலையை அடைந்துள்ளது. நீதிபதி கே.எம். ஜோசப் தலைமையில் நீதிபதிகள் அஜய் ரஸ்தோகி, அனிருத்தா போஸ், ஹிருஷிகேஷ் ராய் மற்றும் சி.டி. ரவிக்குமார் ஆகிய 5 பேர் கொண்ட உச்சநீதிமன்ற அமர்வு இந்த வழக்கை நாள்தோறும் விசாரித்து வந்தது.

கலாச்சார பாதுகாப்பு சட்டத்தின் கீழ் ஜல்லிக்கட்டுக்கு ஆதரவாக நிறைவேற்றப்பட்ட தமிழ்நாடு அரசின் சட்டம் தவறானது என்றும், காளைகள் துன்புறுத்தப்பப்படுகின்றன, ஜல்லிக்கட்டு போட்டியின் போது மனிதர்கள் உயிரிழக்கிறார்கள், விதிமுறைகள் ஒழுங்காக பின்பற்றப்படுவதில்லை என பல்வேறு காரணங்களை கூறி ஒன்றிய பாஜக அரசின் விலங்குகள் நல வாரியம் மற்றும் பீட்டா அமைப்பு ஜல்லிக்கட்டு நடத்த தடை கோரியுள்ளது. கடந்த டிசம்பர் 9ம் தேதி உச்சநீதிமன்றம் இதன் மீதான விசாரணையை முடித்து தீர்ப்பை ஒத்திவைத்துள்ளது.

ஒருபுறம் ஜல்லிக்கட்டுக்கு ஆதரவாக பேசிக்கொண்டே மறுபுறம் தனது அரசின் கீழ் இயங்கும் விலங்குகள் நல வாரியம் மூலம் உச்சநீதிமன்றத்தில் ஜல்லிக்கட்டுக்கு தடை விதிக்க பாஜக முயற்சிக்கிறது. மேலும் பீட்டா அமைப்பிற்கு தேவையான அனைத்து சட்ட உதவிகளையும் வழங்கி வருகிறது. இதன் மூலம் ஜல்லிக்கட்டு விவகாரத்தில் தமிழர் விரோத பாஜக இரட்டை வேடம் போடுவது அம்பலமாகியுள்ளது. மெரினா புரட்சியின் மூலம் தமிழர்கள் போராடி பெற்ற உரிமை மீண்டும் நெருக்கடிக்குள் தள்ளியுள்ளது பாஜக.

தமிழர் பண்பாட்டை அழிக்க வேண்டும், ஒற்றை இந்துத்துவ ஆரிய கலாச்சாரத்தை தமிழர்கள் மீது திணிக்க வேண்டும் என அத்தனை முயற்சிகளையும் பாஜக மேற்கொண்டு வருகிறது. தமிழர்களுக்கு எதிரான பாஜகவின் இந்த சதியை முறியடிக்க தமிழர்கள் அணியமாவோம். ஒன்றிய அரசிற்கு எதிராக தமிழர்கள் உரிமைக் குரலை எழுப்புவோம். மீண்டும் மெரினா புரட்சிக்கு தயாராவோம்!

மே பதினேழு இயக்கம்
9884864010

பொதுமக்களுக்கான 108 ஆம்புலன்ஸ் சேவையை குறைத்த இலாபவெறி கொண்ட GVK-EMRI நிறுவனத்திடமிருந்து பாதுகாத்திட, 108 ஆம்புலன்ஸ் தொழிலாளர் சங்கம் சார்பாக, 16-10-2022 அன்று சென்னை தேனாம்பேட்டையில் சென்னை, காஞ்சிபுரம், திருவள்ளூர், செங்கல்பட்டு ஒருங்கிணைந்த மாவட்ட மாநாடு நடைபெற்றது. இதில் மே பதினேழு இயக்கத்தின் ஒருங்கிணைப்பாளர் தோழர் பிரவீன் குமார் அவர்கள் கலந்துகொண்டு உரையாற்றினார்.

மே பதினேழு இயக்கம்

9884864010

எஸ்டிபிஐ கட்சியின் தொழிற்சங்க பிரிவான SDTU தொழிற்சங்கத்தின் சென்னை மண்டல மாநாடு கொடுங்கையூர் முத்தமிழ் நகர் எம்.ஏ. மகாலில் 25-09-2022 அன்று மாலை நடைபெற்றது. SDTU மாநில செயலாளர் சாமுவேல் பால் தலைமையில் நடைபெற்ற இந்த மாநாட்டில் மே பதினேழு இயக்கத்தின் ஒருங்கிணைப்பாளர் தோழர் பிரவீன் குமார் அவர்கள் கலந்து கொண்டு உரையாற்றினார்.

மே பதினேழு இயக்கம்

9884864010

புதுச்சேரியில், சம்பூகன் சமூகநீதிக் கூட்டியக்கம் சார்பாக, தந்தை பெரியார் பிறந்த நாள் விழா வருணாசிரம எதிர்ப்பு மாநாடு, 24-09-2022 சனிக்கிழமை மாலையில், சுதேசிப் பஞ்சாலை அருகில் நடைபெற்றது. இதில் மே பதினேழு இயக்கத்தின் ஒருங்கிணைப்பாளர் தோழர் திருமுருகன் காந்தி அவர்கள் சிறப்பு அழைப்பாளராக பங்கேற்று சிறப்புரையாற்றினார்.

மே பதினேழு இயக்கம்

9884864010

புதுச்சேரியில், சம்பூகன் சமூகநீதிக் கூட்டியக்கம் சார்பாக, தந்தை பெரியார் பிறந்த நாள் விழா வருணாசிரம எதிர்ப்பு மாநாடு, வரும் 24-09-2022 சனிக்கிழமை மாலை 5 மணியளவில், சுதேசிப் பஞ்சாலை அருகில் நடைபெறுகிறது. இதில் மே பதினேழு இயக்கத்தின் ஒருங்கிணைப்பாளர் தோழர் திருமுருகன் காந்தி அவர்கள் சிறப்பு அழைப்பாளராக பங்கேற்று சிறப்புரையாற்றுகிறார். தோழர்கள் அனைவரும் அவசியம் பங்கேற்க அழைக்கிறோம்!

மே பதினேழு இயக்கம்

9884864010

வரலாற்றுச் சிறப்புமிக்க கோவை விடுதலைப் போரை மீட்டெடுக்க மே பதினேழு இயக்கம் சார்பாக ‘வரலாறு மீட்பு மாநாடு’ ஜூன் 12, 2022 ஞாயிறு மாலை கோவை காந்திபுரம் விகேகே மேனன் சாலையில் நடைபெற்றது. நிகழ்வு துவங்கும் முன்னர் நிகர் கலைக்குழுவினரின் பறையாட்டம் நடைபெற்றது. தமிழ்த்தாய் வாழ்த்துடன் தொடங்கப்பட்ட நிகழ்வில், மே 17 இயக்கத்தின் தோழர் கொண்டல்சாமி வரவேற்புரை ஆற்றினார். தொடர்ந்து மே பதினேழு இயக்கத்தின் ஒருங்கிணைப்பாளர் தோழர் பிரவீன் குமார் அவர்கள் துவக்க உரையாற்றினார்.

தொடர்ந்து தமிழர் விடியல் கட்சியின் ஒருங்கிணைப்பாளர் தோழர் இளமாறன், திராவிடத் தமிழர் கட்சியின் மாவட்டத் தலைவர் தோழர் பேரறிவாளன், விடுதலைத் தமிழ்ப்புலிகள் கட்சியின் தலைவர் தோழர் குடந்தை அரசன், தமிழ்ப்புலிகள் கட்சியின் தலைவர் தோழர் நாகை திருவள்ளுவன், தமிழக மக்கள் முன்னணியின் தலைவர் தோழர் பொழிலன், தந்தை பெரியார் திராவிடர் கழகத்தின் பொதுச்செயலாளர் தோழர் கு.இராமகிருட்டிணன் ஆகியோர் சிறப்புரையாற்றினார்கள்.

அதனையடுத்து, கோவை நாடாளுமன்ற உறுப்பினர் தோழர் பி.ஆர்.நடராஜன், ஆதித்தமிழர் கட்சியின் தோழர் ஜக்கையன், தியாகி இம்மானுவேல் சேகரன் பேரவையின் தோழர் கிருட்டிணமூர்த்தி, தமிழ் சிறுத்தைகள் கட்சியின் தோழர் அகத்தியன், தமிழக சுற்றுச்சூழல் பாதுகாப்பு இயக்கத்தின் தோழர் முகிலன், தோழர் செல்வராமலிங்கம் ஆகியோர் இணைந்து, மாநாட்டு அரங்கில் வைக்கப்பட்டிருந்த ஈகியர் சுடர் தூணில், கோவைப் போரில் கொல்லப்பட்ட 42 போராளி ஈகியர்களுக்கு மரியாதை செலுத்தும் விதமாக ஈகியர் சுடர் ஏற்றினர். அப்போது போராளிகளின் ஈகத்தை போற்றும் வகையில் முழக்கங்கள் எழுப்பப்பட்டது.

தொடர்ந்து, இந்திய தவ்ஹீத் ஜமாஅத் துணைத்தலைவர் தோழர் முகம்மது முனீர், திராவிடர் விடுதலைக் கழகத்தின் கோவை மாநகரத் தலைவர் தோழர் நேரு தாஸ், மனிதநேய சனநாயக கட்சியின் தலைவர் தோழர் தமிமுன் அன்சாரி, தமிழ்நாடு கொங்கு இளைஞர் பேரவையின் தலைவர் தோழர் உ.தனியரசு ஆகியோர் சிறப்புரையாற்றினர்.

கோவைப் போர் எழுச்சியை நினைவுகூரும் வகையில், மாநாடு அரங்கில் வைக்கப்பட்டிருந்த, மே பதினேழு இயக்கத்தின் ஓவியர்.புருசோத்தமன் அவர்கள் உருவாக்கிய மாதிரி நினைவுச் சின்னத்தை, மதிமுக பொதுச்செயலாளரும் மாநிலங்களவை உறுப்பினருமான ஐயா வைகோ அவர்கள் திறந்து வைத்து மக்களிடையே அறிமுகப்படுத்தினார்.

அதன் பின்பு எஸ்டிபிஐ கட்சியின் மாநிலத் தலைவர் தோழர் நெல்லை முபாரக் அவர்கள் சிறப்புரையாற்றினார். இதனையடுத்து மே பதினேழு இயக்கத்தின் ஒருங்கிணைப்பாளர் தோழர் திருமுருகன் காந்தி அவர்கள் மாநாட்டின் விளக்கவுரை ஆற்றினார். தொடர்ந்து ஐயா வைகோ அவர்கள் சிறப்புரையாற்றினார்.

தொடர்ந்து, தமிழக மக்கள் ஜனநாயக ஜனநாயக கட்சியின் தலைவர் தோழர் கே.எம்.சரீப், இந்தியா கம்யூனிஸ்ட் கட்சியின் மாநிலத் தலைவர் தோழர் முத்தரசன், மார்க்சிஸ்ட் கம்யூனிஸ்ட் கட்சியின் அரசியல் தலைமைக் குழு உறுப்பினர் தோழர் ஜி.ராமகிருஷ்ணன், அம்மா மக்கள் முன்னேற்றக் கழகத்தின் கழக தலைமை நிலையச் செயலாளர் ஐயா சி.சண்முகவேலு, மனிதநேய மக்கள் கட்சியின் தலைவர் ஜவாஹிருல்லா, இந்திய யூனியன் முஸ்லிம் லீக் கட்சியின் மாநில முதன்மை துணைத் தலைவர் திரு அப்துல் ரஹ்மான் ஆகியோர் சிறப்புரையாற்றினர். இறுதியாக விடுதலை சிறுத்தைகள் கட்சியின் தலைவர் முனைவர் தொல்.திருமாவளவன் அவர்கள் சிறப்புரை ஆற்றினார்.

இடையே, மாநாட்டில் முன்னிலை வகித்துக்கொண்டிருந்த இந்திய தவ்ஹீத் ஜமாஅத் தோழர் முகம்மது ஷபீர் அவர்களுக்கு தோழர் நாகை திருவள்ளுவன் அவர்களும், எஸ்டிபிஐ கட்சியின் தோழர் அ.முஸ்தபா அவர்களுக்கு தோழர் கு.இராமகிருட்டிணன் அவர்களும், சனநாயக வாலிபர் சங்கத்தின் தோழர் கே.கனகராஜ் அவர்களுக்கு தோழர் பொழிலன் அவர்களும், மனிதநேய சனநாயக கட்சியின் தோழர் எம்.எச்.அப்பாஸ் அவர்களுக்கு தோழர் நெல்லை முபாரக் அவர்களும், திராவிட முன்னேற்றக் கழகத்தின் வெ.ந.உதயகுமார் அவர்களுக்கு ஐயா வைகோ அவர்களும், மதிமுகவின் தோழர் ஆர்.ஆர்.மோகன் அவர்களுக்கு தோழர் முத்தரசன் அவர்களும் மரியாதை செய்தனர். மேலும், மனிதநேய மக்கள் கட்சியின் தோழர் சர்புதீன், இந்திய யூனியன் முஸ்லிம் லீக் தோழர் பி.முகம்மது பஷீர், விடுதலை சிறுத்தைகள் கட்சியின் தோழர் இலக்கியன், தமிழக வாழ்வுரிமை கட்சியின் தோழர் ஸ்டான்லி ஆகியோருக்கு மரியாதை செய்யப்பட்டது.

மேலும், எளிய மக்களுக்காக, சாதி, மதம் கடந்து சமூக ஒற்றுமைக்காக பங்களிக்கக் கூடிய கோவை மாநகர ஆளுமைகள் சிலரை சிறப்புக்குரியவர்கள் என்ற வகையில், மூத்த இதழியலாளர் தோழர் பா.மீனாட்சி சுந்தரம், பியுசிஎல் மூத்த வழக்கறிஞர் தோழர் அபுபக்கர், மறைந்த கவிஞர் எழுத்தாளர் தோழர் இரா.செந்தில்குமார் ஆகியோருக்கு ஐயா வைகோ அவர்களும், எழுத்தாளர் தோழர் சம்சுதீன் ஹீரா அவர்களுக்கு தோழர் முத்தரசன் அவர்களும், சமூகவலைத்தள ஊடகம் நக்கலைட்ஸ் குழுவினருக்கு தோழர் ஜி.ராமகிருஷ்ணன் அவர்களும், தமுஎகச எழுத்தாளர் தோழர் கரீம் அவர்களுக்கு ஐயா சி.சண்முகவேலு அவர்களும் சிறப்பு செய்தனர். மேலும், பெட்டகம் நூலாசிரியர் தோழர் அமீர் அல்தாப், தெளிவுபாதையின் நீசதூரம் படத்தின் இயக்குநர் தோழர் அரவிந்த் அவர்களுக்கும் சிறப்பு செய்யப்பட்டது.

மேலும், சிறப்பு அழைப்பாளர்களாக அழைக்கப்பட்டிருந்த தமிழக சுற்றுச்சூழல் பாதுகாப்பு இயக்கத்தின் தோழர் முகிலன், ஆதித்தமிழர் கட்சியின் தோழர் ஜக்கையன், தோழர் செல்வராமலிங்கம், தமிழ் சிறுத்தைகள் கட்சியின் தோழர் அகத்தியன், ஆதித்தமிழர் பேரவையின் தோழர் இரவிக்குமார், கோவை நாடாளுமன்ற உறுப்பினர் பி.ஆர்.நடராஜன் ஆகியோருக்கு மாநாட்டு மேடையில் சிறப்பு செய்யப்பட்டது.

மே பதினேழு இயக்கம்

9884864010

மே பதினேழு இயக்கம்

9884864010

மே பதினேழு இயக்கம்

9884864010