மறியல் – மே பதினேழு இயக்கம் – May 17 Movement

சிறுவாணி அணையின் நீர்மட்டத்தை உயர்த்த வலியுறுத்தி கோவையில் தந்தை பெரியார் திராவிடர் கழகம் சார்பில் கேரள அரசின் பேருந்து மறியல்

மே 17 — Fri, 13 Sep 2019 17:32:28 +0000

சிறுவாணி அணையின் நீர்மட்டத்தை உயர்த்த வலியுறுத்தி கோவையில் கேரள அரசின் பேருந்து மறியல் 10-9-19 அன்று தந்தை பெரியார் திராவிடர் கழகம் சார்பில் ஒருங்கிணைக்கப்பட்டு நடத்தப்பட்டது. இந்த போராட்டத்தில் மே பதினேழு இயக்கத் தோழர்களும் பங்கேற்றனர்.

சிறுவாணி அணையின் நீர்மட்ட உயரத்தினை 50 அடிக்கு தேக்காமல் 42 அடியிலேயே கேரள அரசு வெளியேற்றி வருகிறது. இதனால் அணை நிரம்பாமல் கேரள அரசு தடுத்து வருகிறது. இதன் காரணமாக கோவையில் வரும் ஏப்ரல், மே மாதங்களில் கடும் தண்ணீர் பஞ்சம் ஏற்படும்.

சிறுவாணி அணையின் நீர்மட்டத்தை உயர்த்த வலியுறுத்தி கோவையில் கேரள அரசின் பேருந்து மறியல்.

மே 17 — Mon, 09 Sep 2019 15:11:57 +0000

சிறுவாணி அணையின் நீர்மட்டத்தை உயர்த்த வலியுறுத்தி கோவையில் கேரள அரசின் பேருந்து மறியல்.

இயற்கையாக மழை பெய்து தண்ணீர் வந்தாலும் கேரள அரசு அதை கோவை மக்களுக்கு கிடைக்கச் செய்யாமல் வீணாக்குகிறது. சிறுவாணி அணை பராமரிப்புக்கென ஆண்டுதோறும் லட்சக்கணக்கில் பணத்தை கோவை மாநகராட்சி செலவிடுகிறது. ஆனால் கேரள அரசு திட்டமிட்டு தமிழர்களை வஞ்சிக்கிறது. கேரள அரசு சிறுவாணி அணையில் 50 அடிக்கு தண்ணீரை தேக்க வேண்டும் என்பதை வலியுறுத்தி கோவைக்கு வரும் கேரள அரசின் பேருந்துகளை மறித்து மறியல் போராட்டம் தந்தை பெரியார் திராவிடர் கழகத்தின் சார்பில் அதன் பொதுச்செயலாளர் கோவை இராமகிருட்டிணன் அவர்கள் தலைமையில் அனைத்து அமைப்புகளும் ஒருங்கிணைந்து வரும் 10-9-19 மாலை 4 மணிக்கு கோவை திருவள்ளுவர் நிலையம் முன்பு நடைபெற உள்ளது.

இப்போராட்டத்தில் மே பதினேழு இயக்கம் பங்கேற்கிறது. அனைத்து ஜனநாயக சக்திகளும் இப்போராட்டத்தில் கைகோர்க்கவும்.

வன்கொடுமை தடுப்புச் சட்டத்தினை நீர்த்துப் போகச் செய்யும் தீர்ப்பினைக் கண்டித்து மதுரையில் ரயில் மறியல்

மே 17 — Sun, 22 Apr 2018 09:18:02 +0000

வன்கொடுமை தடுப்புச் சட்டத்தினை நீர்த்துப் போகச் செய்யும் தீர்ப்பினைக் கண்டித்து மதுரையில் பல்வேறு அமைப்புகள் மற்றும் கட்சிகள் இணைந்து இன்று 21-4-2018 ரயில் மறியல் போராட்டம் நடைபெற்றது.

மதுரையில் மே பதினேழு இயக்கத் தோழர்கள் பங்கேற்று வன்கொடுமை சட்டம் நீர்த்துப் போகச் செய்வதை எதிர்த்து முழக்கமிட்டனர்.

தமிழ்ப்புலிகள் கட்சியின் தோழர் முகிலரசு, தந்தை பெரியார் திராவிடர் கழகத்தின் தோழர் கிட்டுராசா, ஆதித்தமிழர் கட்சியின் தோழர் சிதம்பரம், தமிழக மக்கள் ஜனநாயகக் கட்சியின் தோழர் சாகுல் ஹமீது, தமிழ் மக்கள் முன்னணியின் தோழர் தங்கபாண்டியன் மற்றும் பல்வேறு இயக்கங்களைச் சேர்ந்த தோழர்களும் பங்கேற்றனர்.

வன்கொடுமை தடுப்புச் சட்டத்திற்காக ரயில் மறியல்

மே 17 — Sat, 21 Apr 2018 09:24:47 +0000

SC/ST வன்கொடுமை தடுப்புச் சட்டத்தினை நீர்த்துப் போகச் உச்சநீதிமன்ற தீர்ப்பினைக் கண்டித்தும், வன்கொடுமை தடுப்புச் சட்டத்தினை வலுப்படுத்தி அரசியலமைப்பு சட்டத்தின் அட்டவணை 9-ல் சேர்த்திட வலியுறுத்தியும் ரயில் மறியல் போராட்டம் இன்று 21-4-2018 பல்வேறு கட்சிகள் மற்றும் அமைப்புகள் சார்பில் சென்னை, மதுரை, கோவை ஆகிய நகரங்களில் முன்னெடுக்கப்பட்டது. சென்னை சென்ட்ரல் ரயில் நிலையத்தில் நடைபெற்ற மறியல் போராட்டத்தில் SDPI கட்சியின் தோழர் தெகலான் பாகவி, தமிழ்ப்புலிகள் கட்சியின் தோழர் நாகை திருவள்ளுவன், தமிழக வாழ்வுரிமைக் கட்சி, திராவிடர் விடுதலைக் கழகத்தின் தோழர் தபசி குமரன், தந்தை பெரியார் திராவிடர் கழகத்தின் தோழர் குமரன், தமிழர் விடியல் கட்சியின் தோழர் டைசன், காஞ்சி மக்கள் மன்றத்தின் தோழர் தஞ்சை தமிழன், தமிழக மக்கள் ஜனநாயகக் கட்சி, மக்கள் அரசுக் கட்சி, தமிழக மக்கள் முன்னணி, தமிழர் விடுதலைக் கழகம் உள்ளிட்ட அமைப்புகள் பங்கேற்றன. மே பதினேழு இயக்க ஒருங்கிணைப்பாளர்கள் தோழர் திருமுருகன் காந்தி, பிரவீன் குமார் மற்றும் தோழர்கள் பங்கேற்றனர். ரயில் மறியலில் ஈடுபட்ட தோழர்கள் கைது செய்யப்பட்டு ஏழு கிணறு அருகே உள்ள சமூக நலக் கூடத்தில் தங்க வைக்கப்பட்டுள்ளனர்.