கோவை புத்தக கண்காட்சியில் நிமிர் பதிப்பகம்!

வரும் சூலை 22 முதல் 31 வரை, கோவை நேரு நகர் கொடிசியா வளாகத்தில் நாள்தோறும் காலை 10 மணி முதல் இரவு 8 மணி வரை நடைபெறும் புத்தக கண்காட்சியில் நிமிர் பதிப்பகம் பங்கேற்கிறது.

அரங்கு எண்: 130

தமிழ்த்தேசியம், திராவிடம், அம்பேத்கரியம், மார்க்சியம், பெரியாரியம், சூழலியல், பொருளாதாரம், வரலாறு, தத்துவம், ஈழம், சாதி ஒழிப்பு உள்ளிட்ட பல்வேறு தலைப்புகளில் தேர்ந்தெடுக்கப்பட்ட புத்தகங்கள் அரங்கு எண் 130-ல் கிடைக்கும்.

தொடர்புக்கு: 8939782116

வரலாற்றுச் சிறப்புமிக்க கோவை விடுதலைப் போரை மீட்டெடுக்க மே பதினேழு இயக்கம் சார்பாக ‘வரலாறு மீட்பு மாநாடு’ ஜூன் 12, 2022 ஞாயிறு மாலை கோவை காந்திபுரம் விகேகே மேனன் சாலையில் நடைபெற்றது. நிகழ்வு துவங்கும் முன்னர் நிகர் கலைக்குழுவினரின் பறையாட்டம் நடைபெற்றது. தமிழ்த்தாய் வாழ்த்துடன் தொடங்கப்பட்ட நிகழ்வில், மே 17 இயக்கத்தின் தோழர் கொண்டல்சாமி வரவேற்புரை ஆற்றினார். தொடர்ந்து மே பதினேழு இயக்கத்தின் ஒருங்கிணைப்பாளர் தோழர் பிரவீன் குமார் அவர்கள் துவக்க உரையாற்றினார்.

தொடர்ந்து தமிழர் விடியல் கட்சியின் ஒருங்கிணைப்பாளர் தோழர் இளமாறன், திராவிடத் தமிழர் கட்சியின் மாவட்டத் தலைவர் தோழர் பேரறிவாளன், விடுதலைத் தமிழ்ப்புலிகள் கட்சியின் தலைவர் தோழர் குடந்தை அரசன், தமிழ்ப்புலிகள் கட்சியின் தலைவர் தோழர் நாகை திருவள்ளுவன், தமிழக மக்கள் முன்னணியின் தலைவர் தோழர் பொழிலன், தந்தை பெரியார் திராவிடர் கழகத்தின் பொதுச்செயலாளர் தோழர் கு.இராமகிருட்டிணன் ஆகியோர் சிறப்புரையாற்றினார்கள்.

அதனையடுத்து, கோவை நாடாளுமன்ற உறுப்பினர் தோழர் பி.ஆர்.நடராஜன், ஆதித்தமிழர் கட்சியின் தோழர் ஜக்கையன், தியாகி இம்மானுவேல் சேகரன் பேரவையின் தோழர் கிருட்டிணமூர்த்தி, தமிழ் சிறுத்தைகள் கட்சியின் தோழர் அகத்தியன், தமிழக சுற்றுச்சூழல் பாதுகாப்பு இயக்கத்தின் தோழர் முகிலன், தோழர் செல்வராமலிங்கம் ஆகியோர் இணைந்து, மாநாட்டு அரங்கில் வைக்கப்பட்டிருந்த ஈகியர் சுடர் தூணில், கோவைப் போரில் கொல்லப்பட்ட 42 போராளி ஈகியர்களுக்கு மரியாதை செலுத்தும் விதமாக ஈகியர் சுடர் ஏற்றினர். அப்போது போராளிகளின் ஈகத்தை போற்றும் வகையில் முழக்கங்கள் எழுப்பப்பட்டது.

தொடர்ந்து, இந்திய தவ்ஹீத் ஜமாஅத் துணைத்தலைவர் தோழர் முகம்மது முனீர், திராவிடர் விடுதலைக் கழகத்தின் கோவை மாநகரத் தலைவர் தோழர் நேரு தாஸ், மனிதநேய சனநாயக கட்சியின் தலைவர் தோழர் தமிமுன் அன்சாரி, தமிழ்நாடு கொங்கு இளைஞர் பேரவையின் தலைவர் தோழர் உ.தனியரசு ஆகியோர் சிறப்புரையாற்றினர்.

கோவைப் போர் எழுச்சியை நினைவுகூரும் வகையில், மாநாடு அரங்கில் வைக்கப்பட்டிருந்த, மே பதினேழு இயக்கத்தின் ஓவியர்.புருசோத்தமன் அவர்கள் உருவாக்கிய மாதிரி நினைவுச் சின்னத்தை, மதிமுக பொதுச்செயலாளரும் மாநிலங்களவை உறுப்பினருமான ஐயா வைகோ அவர்கள் திறந்து வைத்து மக்களிடையே அறிமுகப்படுத்தினார்.

அதன் பின்பு எஸ்டிபிஐ கட்சியின் மாநிலத் தலைவர் தோழர் நெல்லை முபாரக் அவர்கள் சிறப்புரையாற்றினார். இதனையடுத்து மே பதினேழு இயக்கத்தின் ஒருங்கிணைப்பாளர் தோழர் திருமுருகன் காந்தி அவர்கள் மாநாட்டின் விளக்கவுரை ஆற்றினார். தொடர்ந்து ஐயா வைகோ அவர்கள் சிறப்புரையாற்றினார்.

தொடர்ந்து, தமிழக மக்கள் ஜனநாயக ஜனநாயக கட்சியின் தலைவர் தோழர் கே.எம்.சரீப், இந்தியா கம்யூனிஸ்ட் கட்சியின் மாநிலத் தலைவர் தோழர் முத்தரசன், மார்க்சிஸ்ட் கம்யூனிஸ்ட் கட்சியின் அரசியல் தலைமைக் குழு உறுப்பினர் தோழர் ஜி.ராமகிருஷ்ணன், அம்மா மக்கள் முன்னேற்றக் கழகத்தின் கழக தலைமை நிலையச் செயலாளர் ஐயா சி.சண்முகவேலு, மனிதநேய மக்கள் கட்சியின் தலைவர் ஜவாஹிருல்லா, இந்திய யூனியன் முஸ்லிம் லீக் கட்சியின் மாநில முதன்மை துணைத் தலைவர் திரு அப்துல் ரஹ்மான் ஆகியோர் சிறப்புரையாற்றினர். இறுதியாக விடுதலை சிறுத்தைகள் கட்சியின் தலைவர் முனைவர் தொல்.திருமாவளவன் அவர்கள் சிறப்புரை ஆற்றினார்.

இடையே, மாநாட்டில் முன்னிலை வகித்துக்கொண்டிருந்த இந்திய தவ்ஹீத் ஜமாஅத் தோழர் முகம்மது ஷபீர் அவர்களுக்கு தோழர் நாகை திருவள்ளுவன் அவர்களும், எஸ்டிபிஐ கட்சியின் தோழர் அ.முஸ்தபா அவர்களுக்கு தோழர் கு.இராமகிருட்டிணன் அவர்களும், சனநாயக வாலிபர் சங்கத்தின் தோழர் கே.கனகராஜ் அவர்களுக்கு தோழர் பொழிலன் அவர்களும், மனிதநேய சனநாயக கட்சியின் தோழர் எம்.எச்.அப்பாஸ் அவர்களுக்கு தோழர் நெல்லை முபாரக் அவர்களும், திராவிட முன்னேற்றக் கழகத்தின் வெ.ந.உதயகுமார் அவர்களுக்கு ஐயா வைகோ அவர்களும், மதிமுகவின் தோழர் ஆர்.ஆர்.மோகன் அவர்களுக்கு தோழர் முத்தரசன் அவர்களும் மரியாதை செய்தனர். மேலும், மனிதநேய மக்கள் கட்சியின் தோழர் சர்புதீன், இந்திய யூனியன் முஸ்லிம் லீக் தோழர் பி.முகம்மது பஷீர், விடுதலை சிறுத்தைகள் கட்சியின் தோழர் இலக்கியன், தமிழக வாழ்வுரிமை கட்சியின் தோழர் ஸ்டான்லி ஆகியோருக்கு மரியாதை செய்யப்பட்டது.

மேலும், எளிய மக்களுக்காக, சாதி, மதம் கடந்து சமூக ஒற்றுமைக்காக பங்களிக்கக் கூடிய கோவை மாநகர ஆளுமைகள் சிலரை சிறப்புக்குரியவர்கள் என்ற வகையில், மூத்த இதழியலாளர் தோழர் பா.மீனாட்சி சுந்தரம், பியுசிஎல் மூத்த வழக்கறிஞர் தோழர் அபுபக்கர், மறைந்த கவிஞர் எழுத்தாளர் தோழர் இரா.செந்தில்குமார் ஆகியோருக்கு ஐயா வைகோ அவர்களும், எழுத்தாளர் தோழர் சம்சுதீன் ஹீரா அவர்களுக்கு தோழர் முத்தரசன் அவர்களும், சமூகவலைத்தள ஊடகம் நக்கலைட்ஸ் குழுவினருக்கு தோழர் ஜி.ராமகிருஷ்ணன் அவர்களும், தமுஎகச எழுத்தாளர் தோழர் கரீம் அவர்களுக்கு ஐயா சி.சண்முகவேலு அவர்களும் சிறப்பு செய்தனர். மேலும், பெட்டகம் நூலாசிரியர் தோழர் அமீர் அல்தாப், தெளிவுபாதையின் நீசதூரம் படத்தின் இயக்குநர் தோழர் அரவிந்த் அவர்களுக்கும் சிறப்பு செய்யப்பட்டது.

மேலும், சிறப்பு அழைப்பாளர்களாக அழைக்கப்பட்டிருந்த தமிழக சுற்றுச்சூழல் பாதுகாப்பு இயக்கத்தின் தோழர் முகிலன், ஆதித்தமிழர் கட்சியின் தோழர் ஜக்கையன், தோழர் செல்வராமலிங்கம், தமிழ் சிறுத்தைகள் கட்சியின் தோழர் அகத்தியன், ஆதித்தமிழர் பேரவையின் தோழர் இரவிக்குமார், கோவை நாடாளுமன்ற உறுப்பினர் பி.ஆர்.நடராஜன் ஆகியோருக்கு மாநாட்டு மேடையில் சிறப்பு செய்யப்பட்டது.

மே பதினேழு இயக்கம்

9884864010

இஸ்லாமியர்களின் உயிரிலும் மேலான நபிகள் நாயகம் குறித்து அவதூறாக பேசிய பாஜக நிர்வாகிகளை பயங்கரவாத தடுப்புச் சட்டத்தின் கீழ் கைது செய்ய வலியுறுத்தி, தமிழ்நாடு முஸ்லிம் முன்னேற்றக் கழகம் சார்பில் 10-06-22 அன்று கோவையில் நடைபெற்ற ஆர்ப்பாட்டத்தில் மே பதினேழு இயக்கம் சார்பாக ஒருங்கிணைப்பாளர் தோழர் திருமுருகன் காந்தி அவர்கள் கலந்துகொண்டு உரையாற்றினார்.

மே பதினேழு இயக்கம்

9884864010

மே பதினேழு இயக்கம்

9884864010

மே பதினேழு இயக்கம்

9884864010

யூடியூப் இணைப்பு:

மே பதினேழு இயக்கம்
9884864010

வரலாறு நமக்கான ஆயுதத்தை தயாரித்து வைத்திருக்கும். அதைத் தேடி நாம் அடையும் போது நம்மை பூட்டியிருக்கும் விலங்குகள் உடைந்து நொறுங்கும். நாம் தேடி கண்டடையும் வரலாறு யாருடையது என்பதும், அது யாருக்கான விடிவை தருகிறது என்பதையும் அறிந்து செயல்படும் பொழுது நம்முடைய அரசியல் கூர்மையடைகிறது. வரலாறு நெடுக சாமானிய மக்களே வரலாறை நிர்ணயித்திருக்கிறார்கள், மாற்றி எழுதி இருக்கிறார்கள். இதனை மறைத்து மேலே எழுப்பப்பட்ட பேரரசர்களின் அலங்காரப் பூச்சுகளை நாம் கலைத்துப் பார்க்கும் பொழுது சமரசமின்றி போராடிய சாமானியர்கள் வரலாற்று நாயகர்களாக நம்மை அரவணைக்கிறார்கள். அவர்கள் நமக்கு நம் வரலாறை சொல்லித்தருகிறார்கள். நாம் இழந்த உரிமையைப் பற்றி நமக்கு பாடம் எடுக்கிறார்கள். நம்மைச்சுற்றி கட்டப்பட்ட பகட்டுத்தனமான பொய் வரலாறுகளை நூலாம்படைகளைப் போல தம் விரல்களால் விலக்கிக் காட்டுகிறார்கள். நம் தோள் மீது கைபோட்டு நம்மை கடந்த காலத்தின் வீர நிகழ்வுகளுக்கு அழைத்துச் செல்கிறார்கள். அவர்கள் மணிமகுடங்களை சூட்டியிருக்கவில்லை. அங்கே அலங்கார அரண்மனைகள் நம்மை வரவேற்கவில்லை. தங்கமும், வைரங்களும் கொட்டிக்கிடக்கவில்லை. வறுமையும், கொடுமையும் சூழ்ந்திருந்த போதிலும் விடாப்பிடியாக உரிமைக்காக வாளேந்தி நிற்கும் சாமானிய மக்களைக் காட்டுகிறார்கள். அந்த சாமானியர்களே அரண்மனைகளின் சுவர்களை தம் எளிய கைகளால் பிய்த்து எறிகிறார்கள். அவர்களது மூச்சுக்காற்றுகளே அடக்குமுறை அரசுகளின் பீரங்கிகளை தூற வீசுகிறது.

இப்படியான பாட்டாளித் தமிழர்களின், சாமானிய மக்களின் வரலாற்றினை மே பதினேழு இயக்கம் தேடித்தேடி கண்டடைய விரும்புகிறது. அந்த வரலாறை மீட்டெடுத்து தமிழகத்தின் வரலாற்றில் சாமானியர்களின் புரட்சியை உயர்த்திக் காட்ட விரும்புகிறது. இதன் மூலமாக மறக்கடிக்கப்பட்ட, மறைக்கப்பட்ட நம் சாமானிய நாயகனுக்கு உயிரூட்ட விரும்புகிறோம். தூக்குக்கயிறிலிருந்தோ, நடுகற்களிலிருந்தோ எழும் இவ்வரலாற்று நாயகர்கள், தமிழரின் விடிவிற்கான வழிகளை நமக்கு காட்டுவார்கள். சாதிகளோ, மதங்களோ தம்மை நிரந்தரமாக பிரிக்காது என்பதை எளியப்புன்னகையோடு நம் காதோரம் சொல்வார்கள். பேரரசர்களோ, சக்கரவர்த்திகளோ நம் வரலாறை எழுதவில்லை. நமக்கான வரலாறை எழுதும் முயற்சிகளை மேற்கொண்டவர்கள் நம்மைப் போன்ற சாமானிய மக்களே. இதை நாம் உணரும் பொழுது நாம் உணர்ச்சி வயப்பட்டவர்களாக மாறுவது மட்டுமல்ல, அரசியல்வயப்பட்டவர்களாக மாறுகிறோம். நம்பிக்கைப் பெற்றவர்களாக, புத்துயுர் பெற்றவர்களாக நமது இன்றய அரசியலை உரசிப்பார்க்கிறோம்.

இவ்வகையில் 222 ஆண்டுகளுக்கு முன் கோவை நகரில் நடந்த வரலாற்று பெருநிகழ்வை மீட்டெடுத்து உங்கள் கண்முன் கொண்டுவர விரும்புகிறோம். கொடுங்கோல் ஆட்சியை துவங்கிய வெள்ளையர்களுக்கு எதிராக திரண்டெழுந்த சாமானிய தமிழர்களின் எழுச்சியின் முக்கிய நிகழ்வாக அமைந்த கோவை சமர் எனும் கோவைத்திட்டத்தினை கட்டியெழுப்பிய புரட்சியாளர்களையும், இத்திட்டத்தில் போர் புரிந்து வெள்ளையர்களால் சித்திரவதைக்குட்படுத்தப்பட்டு படுகொலை செய்யப்பட்ட மாவீரர்களின் நினைவுகளை உயிர்ப்பிக்க விரும்புகிறோம். இப்பெரும் போர்த்திட்டத்தில் சாதி, மதம் கடந்து கைகோர்த்து போரிட்டு, தலைவணங்காது அச்சமின்றி தூக்குக்கயிற்றில் ஏறிய 42 புரட்சியாளர்களுக்கு 222 ஆண்டுகள் கழித்தாவது நாம் மரியாதை செலுத்தியாக வேண்டும். ஒட்டுமொத்த தமிழகத்தின் புரட்சி வீரர்களும், அண்டைய மாநிலத்தின் புரட்சியாளர்களும் கோவைக்காக உயிர்கொடுத்த அந்நிகழ்வினை வரும் ஜூன்12ம் தேதி நடத்த இருக்கிறது மே பதினேழு இயக்கம். 30க்கும் மேற்பட்ட இசுலாமியர் மற்றும் பல சமூகங்களைச் சார்ந்த தளபதிகளும் படுகொலையான இந்நிகழ்வு தமிழரின் வீரத்தையும், போர் நுணுக்கத்தையும், ஒற்றுமையையும் உலகிற்கு எடுத்துச் சொல்லியது. இந்நிகழ்வில் அனைத்துக் கட்சி ஆளுமைகளும், பல்வேறு இயக்கத்தோழமைகளும், சமய சனநாயக ஆளுமைகளும் தமக்குள்ளான வேற்றுமைகளைக் கடந்து ஒன்றுகூடி மரியாதை செலுத்த அழைத்திருக்கிறோம். இது வரலாறை சொல்லும் நிகழ்வு. இந்நிகழ்வில் வரலாறு படைக்க உங்கள் பங்கேற்பை வேண்டுகிறது மே பதினேழு இயக்கம்.

நாள் : 12 ஜூன் 2022
இடம் : கோவை.

தோழர் திருமுருகன் காந்தி
ஒருங்கிணைப்பாளர்
மே பதினேழு இயக்கம்

தமிழீழ இனப்படுகொலைக்கான 13-ம் ஆண்டு நினைவேந்தல் கூட்டம், கோவை இரயில் நிலையம் அருகிலுள்ள அண்ணாமலை அரங்கில், மே 19, 2022 வியாழன் மாலை மே பதினேழு இயக்கம் சார்பாக ஒருங்கிணைக்கப்பட்டது. இதில் மே பதினேழு இயக்கத்தின் ஒருங்கிணைப்பாளர் தோழர் திருமுருகன் காந்தி அவர்கள் நினைவேந்தல் உரையாற்றினார். மேலும், தந்தை பெரியார் திராவிடர் கழக பொதுச்செயலாளர் தோழர் கோவை கு. இராமகிருட்டிணன், ஆதித்தமிழர் பேரவையின் தலைவர் தோழர் அதியமான் உள்ளிட்ட பல்வேறு அமைப்புகளை சேர்ந்த பிரதிநிதிகள் கலந்துகொண்டு உரையாற்றினர்.

மே பதினேழு இயக்கம்

9884864010

கோவையில் தமிழீழ இனப்படுகொலைக்கான 13-ம் ஆண்டு நினைவேந்தல் கூட்டம்.

தமிழீழ இனப்படுகொலைக்கான 13-ம் ஆண்டு நினைவேந்தல் கூட்டம், கோவை இரயில் நிலையம் அருகில், அண்ணாமலை அரங்கில், வரும் மே 19, 2022 வியாழன் மாலை 5 மணியளவில் மே பதினேழு இயக்கம் சார்பாக ஒருங்கிணைக்கப்பட்டுள்ளது. இதில் மே பதினேழு இயக்கத்தின் ஒருங்கிணைப்பாளர் தோழர் திருமுருகன் காந்தி அவர்கள் கலந்துகொள்கிறார்.

நினைவேந்தல் கூட்டத்தில் பங்கெடுக்கும் தோழமை இயக்கங்கள் மற்றும் கட்சிகள்.

தோழர் கோவை கு. இராமகிருட்டிணன்
பொதுச்செயலாளர்
தந்தை பெரியார் திராவிடர் கழகம்

தோழர் அதியமான்
நிறுவனர் தலைவர்
ஆதித்தமிழர் பேரவை

தோழர் பழ. பேரறிவாளன்
மேற்கு மண்டல செயலாளர்
திராவிடத் தமிழர் கட்சி

தோழர் சுசி கலையரசன்
மண்டல அமைப்புச் செயலாளர்
விடுதலைச் சிறுத்தைகள் கட்சி

தோழர் R.R. மோகன் குமார்
மாவட்டச் செயலாளர்
மறுமலர்ச்சி திராவிட முன்னேற்ற கழகம்

தோழர் நேருதாஸ்
மாநகர் மாவட்ட தலைவர்
திராவிடர் விடுதலைக் கழகம்

தோழர் நவீன்
மாணவர் பாசறை ஒருங்கிணைப்பாளர்
தமிழர் விடியல் கட்சி

தோழர் கா.மாரிமுத்து
மாநில அமைப்பாளர்
மக்கள் விடுதலை முன்னணி

தோழர் இளவேனில்
பொதுச் செயலாளர்
தமிழ் புலிகள் கட்சி

தோழர் அகத்தியன்
நிறுவனத் தலைவர்
தமிழ் சிறுத்தைகள் கட்சி

தோழர் மு.அமீர் அப்பாஸ்
மக்கள் தொடர்பு துறை
பாப்புலர் பிரண்ட் ஆப் இந்தியா

தோழர் K.ராஜா உசேன்
மேற்கு மண்டல தலைவர்
எஸ்டிபிஐ

தோழர் A.சர்புதின்
மாவட்ட தலைவர்
மனிதநேய மக்கள் கட்சி

தோழர் முஜிபுர் ரகுமான்
மாவட்ட செயலாளர்
தமிழ்நாடு முஸ்லிம் முன்னேற்ற கழகம்

தோழர்‌ M.H.அபாஸ்
மாவட்ட தலைவர்
மனிதநேய ஜனநாயக கட்சி

தோழர் சிக்கந்தர்
மாவட்ட தலைவர்
வெல்ஃபேர் பார்டி ஆப் இந்தியா

தோழர் மலரவன்
புரட்சிகர இளைஞர் முன்னணி

தோழர் ஸ்டான்லி
மாவட்ட செயலாளர்
தமிழக வாழ்வுரிமைக் கட்சி

இனப்படுகொலையில் கொல்லப்பட்ட 1.5 இலட்சம் ஈழத் தமிழர்களை நினைவில் ஏந்துவோம்!

சாதி, மதம் கடந்து தமிழர்களாய் ஒன்றுகூடுவோம்!

மே பதினேழு இயக்கம்
9884864010